Sain Ddisgrifiad

Mae Sain Ddisgrifiad yn creu delweddau llafar byw i aelodau o'r gynulleidfa sy'n ddall neu'n rhannol ddall, gan roi cyfle iddynt gael blas o agweddau gweledol perfformiad yn llawn. Mae hyn yn cael ei gyfleu drwy glustffonau ysgafn, hawdd eu defnyddio y mae'r gwrandäwr yn eu gwisgo.

Mae'r Disgrifiwr Sain yn rhoi disgrifiad gweledol o'r hyn sy'n mynd ymlaen, mynegiannau'r wyneb ac iaith y corff yn fyw ac ar yr un pryd â'r perfformiad. Mae'n tywys y gwrandäwr drwy olygfeydd newydd, gwisgoedd, cydberthynas y cymeriadau â'i gilydd a ble maent yn sefyll. Mae steil y cynhyrchiad hefyd yn cael ei amlygu drwy ddisgrifio'r goleuadau, lleoliadau, awyrgylch a naws.

Nodiadau Cyn y Perfformiad

Dylech gymryd eich sedd 15 munud cyn i'r perfformiad ddechrau os hoffech glywed nodiadau cyn y perfformiad yn cael eu darllen yn fyw gan y Disgrifiwr Sain.

Bydd y nodiadau hyn yn egluro cefndir y cynhyrchiad, yn disgrifio'r set (gan gynnwys lliwiau, maint, gwead, a safle'r eitemau ar y llwyfan), yn cyflwyno'r prif gymeriadau (gan gynnwys pwy sy'n chwarae’r rôl, sut maent yn edrych, a beth maent yn ei wisgo), yn rhoi crynodeb byr o'r plot, a chrynodeb o bob act.

Teithiau Cyffwrdd

Mae Taith Gyffwrdd am ddim ar gael yn y rhan fwyaf o berfformiadau Sain Ddisgrifiad lle y gallwch fynd ar y llwyfan.

Dylech gyrraedd 15 munud cyn y daith - dylech wisgo esgidiau synhwyrol am ei fod yn ofyniad ar y llwyfan a chefn llwyfan.